RIJKSDIENST

CARIBISCH

NEDERLAND

Kandidatura Kolegio Elektoral

Den komienso di 2019 a tuma lugar un kambio importante riba islanan BES (Boneiru, St. Eustatius i Saba). Tur habitante di e islanan for di edat mínimo di 18 aña por a postulá nan kandidatura komo representante di pueblo dentro di e kolegio elektoral di nan isla. Di e manera aki kada isla a risibí influensia direkto riba e komposishon di Eerste Kamer hulandes. Esaki mester a haña kobertura i bira konosí pa tur habitante dje islanan. Ki mihó manera pa realisá e meta aki ku no ta atrabes di propaganda pagá riba Facebook?

Pa logra ku personanan lo a bai postulá nan mes komo kandidato pa e Kolegionan Elektoral, tabata importante pa kuminsá na komienso: duna splikashon tokante kiko Eerste Kamer i Kolegionan Elektoral ta kome i bebe. Di e forma aki a start fase 1 dje kampaña.

 

Hasiendo uzo di location targeting nos a plama avisonan pagá di Facebook spesífikamente pa kada isla di moda ku bishitantenan por a haña info netamente di nan isla dor di klek riba e avisonan ku nan tabata haña mira. Ku avisonan ku bo por a klek ariba i un video informativo, nos a suministrá habitantenan ku tur info nesesario di Eerste Kamer i Kolegionan Elektoral i tambe di elekshonnan riba nan isla. Ku un CPC super abou di €0,10 i un CTR di 2,34% tantu e kliente komo nos mes tabata sumamente satisfecho! 

Ora pa stap dos:

Informá gruponan di interes tokante e importansia pa hende postulá nan mes pa Kolegionan Elektoral. Aki nos a hasi uzo di diferente posibilidat pa hasi propaganda. Asina nos a hasi uzo di un propaganda di telebishon, banners státiko ku imágennan rekonosibel di e islanan i Facebook Canvas (Instant Experience).

Gruponan di interes tabata haña e avisonan pa mira tantu na ingles komo hulandes. I ku éksito! Apenas despues di algun dia ya e avisonan a logra un CTR promedio di 4.24% i nan tabata mira e diferente Canvas-nan pa un promedio di 18 sekònde. A lograhala atenshon di e grupo di interes!

I finalmente:

E di tres i último fase di e kampaña ta ranka sali. Aki nos ta laga e habitantenan di e islanan BES drenta akshon di bèrdat. Awor ta e momentu pa logra ku tur hende, tantu hóben komo bieu, sa ku nan por postulá nan mes riba 4 di febrüari pa Kolegionan Elektoral.